Emily 仲好記得2004 年民主黨黃成智落選立法會議員時，一時間失去生計，為前途好惆悵，到?家佢仍然欠緊民主黨幾十萬元貸款。不過，自從佢去年重返立法會後，一切都變得順利，連佢同朋友合伙粉嶺搞餐廳，都搞得有聲有色，頭一個月已經打個和，緊生意再好時，仲諗住還富於員工，向員工派錢?。
同佢合伙朋友叫劉帶生，都係民主黨新界東支部高層，不過呢位劉先生來頭都唔細，原來佢係「新界王」劉皇發侄，難怪成智同一鄉事中人都有偈傾啦。
成智噚日同一班記者食飯傾偈，講起本報記者被澳門拒絕入境，成智今年初都試過呢個滋味，諗住去玩點知成家得自己一個冇得入境。經此一役，佢話除工作外，點都唔會再去澳門。佢今年5 月應澳門官方邀請去講教師培訓等事宜，過澳門關時關員竟然要請示上級畀唔畀入，好在上級准許佢入境，之後關員佢張入境申報表寫，但當然冇畀成智睇啦，反而仲額外抄番張新出境表畀成智。其實澳門無必要咁緊張，成智連內地都入得，反而入唔到澳門，唔通澳門仲落後過內地？ |
