【明報專訊】3間巴士公司早前宣布，長者假日優惠及即日回程折扣優惠不再延長，Emily同好多朋友都好唔滿意，覺得巴士公司點解咁無人情味。咁橋立法會 聽日會討論減輕交通費負擔嘅動議辯論，民主黨 黃成智已及時入了修訂，加入譴責3間巴士公司嘅字眼，成智話相信其他政黨都會支持。
不過，只係喺議會講嘢無乜威力，巴士公司唔聽，議員都無符。成智今晚10點鐘會係九巴 外絕食24小時，直至明晚10點，希望多啲人會關注，畀啲壓力巴士公司。
成智今次嘅抗議行動，有長者參與，但講到絕食咁傷身嘅手法，當然留番畀黃議員自己做啦。成智今次唔係第一次絕食，唔知會唔會食定嘢、打定底，咁啱今晚曾特首約咗成班民主黨員食飯，成智大可先食煲呔一大餐，儲足熱量去絕食，一定無問題喇。
