台灣每逢選舉，選民都好投入，投票率隨時過七成，所以唔少香港政黨都會過去考察，睇有乜可以借鏡。日前完成台灣縣市長選舉，民主黨立法會議員黃成智就同埋30 幾名黨友到台南嘉義「觀摩」，感受人點樣將理性同激情結合。
成智同Emily 講，香港選民太理性，欠缺激情，唔似得台灣選民理性之餘又充滿激情。佢選擇睇嘉義，最主要原因係國民黨同民進黨都會同時間同一個地點搞大型集會，氣氛好熱烈。兩派對陣，台灣警方當然會好小心，所以兩個場地隔條路，唔畀雙方互打，兩派唯有打口水戰，嘈到成智想同隔籬黨友傾偈都唔得。 |
