【明報專訊】民主黨 黃成智今年成功重返議會，重新開始立法會 議員嘅生涯，由當選至今，工作都安排到密麻麻。佢最近同Emily呻，話自己好少時間陪屋企人，唯有全屋人一齊出席公開活動，一舉兩得。成智又講起而家讀緊中五嘅囝囝文軒，可能受到佢影響，好細嗰已經好留意時事，好似之前阿仔見到自由黨 分裂嘅新聞，即刻主動分析，話自由黨咁樣唔係好掂，得番咁少人……囝囝今年要應付會考 ，成智對佢有信心，相信如無意外應該升到中六，但係成績高低就要視乎佢有幾勤力！
會考後去地區辦幫手
由於囝囝對政治同時事好有興趣，自告奮勇話會考後，想去地區辦事處幫吓手。成智見到囝囝咁有心，都心滿意足。囝囝又得成智好開心，話將來要「繼承父業」，參加立法會選舉，仲叫老竇成智排第二、做佢樁腳喎。
